كود سبور//
قرر محمد بودريقة رئيس الرجاء الرياضي يتكلف بشراء دار لأم المشجعة الرجاوية الراحلة نورة، اللي كانت ضحية سوء التنظيم فماتش الرجاء والأهلي المصري برسم إياب ربع نهائي عصبة أبطال إفريقيا.
وكشف مصدر رجاوي جيد الاطلاع لـ “كود”، أن منخرطين الرجاء الرياضي جمعو مبلغ كيوصل تقريبا ل 20 مليون سنتيم بمبادرة منهم تجاه مامات الراحلة نورة، قبل ما يتدخل محمد بودريقة رئيس الرجاء ويقرر يعطيها شقة سكنية، ومنخرط اخر بالنادي تطوع يجهزها لها وكذلك تكلف بمصاريف النوطير.
وبالنسبة للمبلغ اللي جمعوه المنخرطين د الرجاء ديال 20 مليون سنتيم، فقرر برلمان الرجاء الرياضي يحط هذا المبلغ ف “الرجا فونداسيون”، باش يبقاو يصوفيو أي حالة ديال رجاوي محتاج للمساعدة.
