وكالات //

دخل الممثل براد بيت، فعلافة عاطفية جديدة، لأول مرة، من نهار تفارق مع النجمة أنجلينا جولي، على حساب ما قال موقع “People” الشهير.

وقال مصدر مقرب من “People”، بللي براد بيت اللي فعمرو 58 عام، تصاحب مع مرا ماكشفوش على هويتها، وهي أول مرة كيتصاحب معها بالصح من بعد فراقو مع أنجلينا وماشي غير إشاعات.

وكانت إشاعات كثيرة راجت فالسنوات اللي فاتت على ارتباط براد بيت، ومن بينها انه تصاحب مع المغنية ليكي لي، والممثلة عليا شوكت، والممثلة آندرا داي، وخا كاينة وسائل إعلام أخرى قالت بللي بالصح دخل فهاد العلاقات ولكن غير ماطولاتش.

ومزال كاين نزاع على حضانة الدراري بين براد بيت وأنجلينا جولي، ومؤخرا رفضات المحكمة الدعوى اللي دارها براد ضد أنجيلينا حيت باعت حقها فلوزين ديالهم بجوج بمبرر أنها تصرفات بلا ما تعلمو.