نجوى المالحي -كود//

البلوگوز رباب أزماني، مرات المغني فريد غنام، شاركات مع المتتبعين ديالها في أنستگرام، المشكل الصحي لي عندها ولي كيخلي شعرها يطيح.

رباب أزماني بانت مأزمة في ستوريات لي خلات على حسابها، ولي قالت فيهم ان هاد المشكل ما عندو علاقة لا بتونية لا بأعصاب لا بحتى أعراض، وماشي معدي ولكن مابغاش يبرا، غير بدا يخلفلها الشعر فجهة، كيبدا يطيح فجهة اخرى.

رباب طلبات من المتتبعين يدعيو معاها ويعطيوها حلول باش تعالج، لأن المشكل تفاقم، وهادي دابا 3 سنوات وهي صابرة وكتحاول تبرا.