سعيد الشاوي – كود //
الاستعلامات العامة بالدار البيضاء خاصها تبحث مع ابن بارون الخمور “أكورام” المعتقل بسجن عكاشة على خلفية ملف الخمور المغشوشة والمهربة؛ خصوصا وأن ترخيص ترويج المشروبات الكحولية فيه إن وماشي قانوني وخاص تتحرك مصالح الأمن بالدار البيضاء باش تتأكد من بزاف ديال المعطيات وتقوم بعملها وتعتقل المسير الحقيقي اللي ماعندو حتى ترخيص.
هاد الحانة فشارع الحسن الثاني “مونيكو”؛ مولاها هو احد المعتقلين فسجن عكاشة؛ ولكن اللي فاسمو ترخيص ترويج المشروبات الكحولية هو مسير الشركة اللي باع الاسهم ديالو؛ لكن ابن بارون الخمور هو اللي كايسيرها بشكل فعلي في غياب أي ترخيص قانوني مسلم له من طرف السلطات المختصة.
الخطير؛ هو كيفاش مصالح الاستعلامات العامة بالدار البيضاء ماجابتش خبار لهاد القضية واخا كلشي هادشي تجبد فملف الخمور المغشوشة اللي حققت فيه الفرقة الوطنية للشرطة القضائية..!!
هنا عرفنا شوية علاش التسوماني ضرب ولاية امن الدار البيضاء وخاصة الشاف ديال الاستعلامات العامة لگلاوي.
تسونامي اخر خاص يضرب المطاعم والبيران اللي ماكاتحترمش القانون ودايرة مابغات؛ وماليها وولادهم يسحاب ليهم راسهم حنا فغابة وبفلوسهم يقدرو يديرو مابغاو بدون حسيب ولا رقيب.
