اسماء غربي – كود//

الحب زوين وكيخليك دير الجوانح بلاما تشرب المقويات…. هادي كاملين متافقين عليها.

المغربي فؤاد قبيبو لي كيتعتبر واحد من بين المشهورين فالانترنت مشا هو ومراتو التونسية نجلاء لباريس، ولأن عاصمة الانوار كتحسك بالرومانسية، الكوبل عاشو التفاصيل وتصورو تصيورات كتقطر بالحب والغرام.

الكوبل الزوين حطو تصاور كيتباوسو بوش آ بوش، واختارو سفرة لي ما معاهمش فيها ولدهم سلطان، باش يجددو الحب لبعضياتهم.

وكالعادة كيان شي متطفلين بداو يعايروهم فالتعاليق، وتلقاهم هادو لي كيسبو كيتباوسو بتخبية من مورا الحيوطة.

عيشو الحب وخليو بنادم يعيش.