الرئيسية > تبركيك > المراكشيين كيطالبو بتأهيل جامع الفنا وتخصيص الثلثين من مساحتها لتراث الحلقة
22/04/2021 18:00 تبركيك

المراكشيين كيطالبو بتأهيل جامع الفنا وتخصيص الثلثين من مساحتها لتراث الحلقة

المراكشيين كيطالبو بتأهيل جامع الفنا وتخصيص الثلثين من مساحتها لتراث الحلقة

عفراء علوي محمدي- كود//

طلقو نشطاء نداء “جامع الفنا قضية وطنية كبرى”، كيستنكرو فيه الإهمال اللي طال هذ المعلمة مباشرة بعد تصنيفها من طرف اليونسكو كتراث لامادي سنة 2001، الشي اللي ” خلاها تدخل فعزلة، وتستنزفات معانيها وإشعاعها، لصالح فوضى البناء وهيمنة الرواج التجاري والمطاعم العشوائية” كيف قالو.

وقالو النشطاء فالنداء أن هذشي ساهم فالإجهاز على “الحلقة”، الشيء اللي كيستدعي حسبهم تولي قضية إحياء “ساحة جامع الفنا” قضية ثقافية ووطنية لأهل مراكش ولكل المغاربة، وتحتل المكانة الرائدة اللي كتستحق فبرنامج واهتمامات “المؤسسة الوطنية للفنون الشعبية والتراث اللامادي”.

وحيت فهذ الوقت السلطات المحلية منشغلة فإعداد برنامج لتثمين الساحة، دعاو النشطاء أهل مراكش ومحبيها للمشاركة فمشروع استعادة العالم “الملحمي” للساحة، مع التوقف عند توجهات “ميثاق حرم ساحة جامع الفنا”.

ومن خلال النداء، ناشدو النشطاء السلطات والمؤسسات التمثيلية المسؤولة والمختصة بالمدينة، من أجل “تحرير الساحة من كل معوقات التعبير الفني الإبداعي، لإعادة الاعتبار للحلقة وفنونها وآدابها المتنوعة التي تنتقل من جيل إلى جيل. من خلال إعادة النظر في حدود مجال الترخيص المؤقت لاحتلال الملك العمومي، لترك الفضاء الأكبر في الساحة لما تنفرد به من حلقات حكي ملحمي وفرجة ساحرة”

وطالبو باش تتخصص نسبة الثلثين من أجل فن الحلقة بمساحة إجمالية ديال 2,7 هكتار لتعبيرات التراث اللامادي والفرجة والبهجة، ويتم الحرص على التطبيق السليم لمجال رخصة الاحتلال المؤقت للملك العمومي في الساحة التي لا تتجاوز مساحة  2×2 م كما ينص عليه القانون

موضوعات أخرى

19/03/2024 10:30

إل موندو: اسبانيا ما بغاتش تستأنف قرار تبديل الجنسية الرياضية ديال دياز احتراما منها لرغبة اللاعب (وثيقة)

19/03/2024 10:27

بتصاور ..الجدارمية د بسيدي رحال حجزو 3 دالسطافيطات فيهم 15طن ديال الحشيش وزودياكات

19/03/2024 10:12

أرقام رسمية كتصدم على الخدمة فبلادنا.. 49,9 فالمية من النشيطين المشتغلين معندهوم حتى شي شهادة

19/03/2024 10:00

تيار كازا فالبام داير روينة فالأغلبية… صديق سعيد الناصري بغا رئاسة مجلس النواب: واش هادي مناورة من المنصوري باش تفاوض على التعديل الحكومي ولا انقلاب جديد داخل التحالف الحكومي ولا باش يبلوكيو مدونة الأخلاق لي غادي تحيد مناصب للبرلمانيين ديالهم لي عندهم متابعات فالمحاكم

19/03/2024 09:45

قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري