عمـر المزيـن – كود//
[email protected]

علمت “كود”، من مصادر محلية، أن جناح خاص بإنعاش مرضى “كورونا” فيروس بداو فيه الخدمة بعاصمة البوغاز طنجة، وذلك بسبب عدم استقرار الوضعية الوبائية بالمدينة، وتسجيل عدد كبير من المصابين بالفيروس منذ الأيام القليلة الماضية.

ووفق ما كشفت عنه مصادر “كود”، فإن هاد الجناح تكلفو بيه الأطر الطبية العسكرية، وغادي يبدا العمل ديالو هاد السيمانة، مشيرة إلى أن الهدف من تجهيز هاد الجناح هو تخفيف الضغط على صبيطار محمد السادس الذي يستقبل يوميا حالات كثيرة مصابة بالفيروس.

وأشارت المصادر إلى أن هاد الجناح الخاص بإنعاش مرضى “كورونا” واللّي غادي يكون حدا مصحة الضمان الاجتماعي غادي يتم الافتتاح ديالو بداية الأسبوع الجاي.