عسكري إسرائيلي سيفط تصاور ديال “القبة الحديدية” لإيران.. المخابرات قولباتو بفوكونط ديال بنت بوكوصة
هناء ابو علي -كود//
قال احمد حرزني السفير المتجول و الرئيس السابق للمجلس الوطني لحقوق الانسان البارح في وسط معهد الايركام انه ورغم كونه امازيغي و انه كان ضمن اللجنة اللي حطات مشروع الدستور ف 2011 فهو ضد ترسيم اللغة الامازيغية ، و اضاف ان المغرب فقير وغادي يخسر الفلوس بزاف على لغتين كما ان حرف تيفيناغ عقد وصعب التعليم على التلاميذ.
تصريحات صدمات اعضاء معهد الايركام و نشطاء الحركة الامازيغية و من ضمنهم المحامي احمد ارحموش اللي كتب رسالة مفتوحة ليه كايستغرب من هاد التصريحات وكيعتبرها عصيان دستوري و مس بمكتسبات و انه رجع بالنقاش للور بزاف.
متتبعين قالو : واش غي كنجبدو الامازيغية عاد كيقولو المغرب فقير وكاينساو شحال كاتخسر الدولة على الفرنسية مثلا؟ واش كاينة دراسات كتثبت بلي تيفيناغ صعبات التعليم ولا غير هضرة خاوية.
الغريب ان تصدر هاد التصريحات، اضاف ناشط امازيغي عن سفير مكلف بحقوق الانسان و تسويق صورة المغرب خارجيا.