وكالات //

تداولو بزاف ديال الصحف النكليزية الطريقة الغريبة لي كتقدم بها القناة الرسمي الوحيدة ديال كوريا الشمالية واحد البرنامج بريطاني معروف.

هاد البرنامج متخصص ف الزراعة والفلاحة، وكيقدمو واحد المقدم معروف سميتو ألان تيتشمارش.

غير هو الغريب فهاد القصة أنه كل مرة كيدوز ف القناة ديال كوريا الشمالية كيغطيو ليه السروال ديالو باش مايبانش.

السروال هو من الدجينز، والدجينز ممنوعة كليا في كوريا الشمالية حتى ولو تبان ف التلفزة، حينت كيعتابروها من ثقافة الغرب الماجنة.