كود سبور//
أكد الناخب الوطني وليد الركراكي بلي الدولي المغربي أشرف حكيمي واحد من اللعابا المهم فالمنتخب الوطني المغربي وبلي قائد فليكيب ناسيونال، وأنه لعاب واعر وإنسان بقلب كبير فنفس الوقت، وأن لبكى ديالو ملي سالا ماتش كندا حيث كيبغي بلادو المغرب وما باغيش يزكل شي إنجاز تاريخي ديال المنتخب الوطني.
وكشف وليد الركراكي فحوار له مع موقع الاتحاد الدولي لكرة القدم الفيفا وقال: “هادشي فيه العاطفة حيث اللعابا كانوا عازمين باش يحققو التأهل لثمن نهائي كأس العالم وهادشي علاش جاو لقطر”.
وتكلم الركراكي على أشرف حكيمي وعلاش بدا كيبكي من بعد التأهل وكشف بعض من الشخصية ديالو وقال: “حكيمي وهو قائد وهو عاطفي بزاف حيث كيبغي بلادو المغرب، وكيبغي المنتخب وما باغيش يضيع شي إنجاز تاريخ فحال هذا داكشي علاش هو متأثر وكلشي كيحتارمو فلكروب وهو لعاب مهم عندنا وواعر، ومن غير أنه لعاب كبير راه إنسان زوين بزاف وملي كيبين المشاعر ديالو كيأكد بلي حنا بشر قبل من كونو لعبا ديال كرة القدم”.
