كود احمد الطيب ////

واحد الجملة ما عندها محل فالاعراب. وزارة الداخلية فبيان رسمي ديالها كتخربق علينا على قضية الاحسان ووو والتعليمات الملكية وزيد وزيد وسالاتها بهاد الجملة “من جهة أخرى وتطبيقا للتعليمات الملكية السامية المتعلقة بالمحاسبة وبالمبادئ التي يتعين أن تحكم العلاقات بين الإدارة والمواطنين، فإنه سيتم الاستماع الى عامل إقليم الصويرة من قبل القضاء، في إطار التحقيق القضائي الذي فتحته النيابة العامة المختصة، في ظل الاحترام الدقيق للقانون”.

اولا ماشي وزارة الداخلية اللي خاصها تنقل هاد الخبر. هادا خاص النيابة العامة اللي خدات استقلاليتها. ثانيا هاد الاستماع ما خاصش يكون فيه “تطبيقا للتعليمات الملكية المتعلقة بالمحاسبة” حقاش القانون واضح يا اما خاص الاستماع اليه قانونيا او غير جروه فهاد البيعة والشرية.

يمكن الداخلية بغات تقول باللي ممكن الاستماع قضائيا لعامل معين فمجلس وزاري. ايلى كانت تقصد هاد الشي راها خربقاتها فالصياغة

القانون خاص بلاد القانون والداخلية ما سوقهاش فهاد الشي ديال القانون. هادا شغل النيابة العامة