وكالات //
فرضات سلطات منطقة فالطاليان غرامات على صالونات الحلاقة والتجميل باش مايبقاوش يغسلو الشعر ديال الكليان جوج مرات، بسباب موجة الجفاف اللي كتدوز منها المنطقة.
وكالات //
فرضات سلطات منطقة فالطاليان غرامات على صالونات الحلاقة والتجميل باش مايبقاوش يغسلو الشعر ديال الكليان جوج مرات، بسباب موجة الجفاف اللي كتدوز منها المنطقة.
وعلى حسب جورنال “التايمز” البريطاني هاد القرار جا باش تقدر منطقة كاستيناسو (Castenaso) القريبة من مدينة بولونيا تقتاصد على الما، خصوصا أن القضية قاصحة ديال بصح هاد العام فاالطاليان بسباب الجفاف.
وبرر كارلو جوبيليني، عمدة كاستيناسو هاد القرار، وقال بللي غسل الشعر جوج مرات بالشامبوان هو من الممارسات الشائعة فالصالونات الطاليانية وبسبابو كيضيع بزاف ديال الما، وهادشي مابقاش مقبول.
واعتابر جوبيليني أن هاد القرار غادي يوفر آلاف اللترات من الما يوميا، وهاد التوفير إيلا تدار على نطاق واسع غادي تولي عندو فوائد كبيرة.
ومنع القرار المذكور من استخدام التيوات ديال الما بالنهار، وطالب السكان بالاكتفاء بالتدواش تحت الرشاشة عوض البينوار، ويسدو الروبيني ملي يكونو يغسلو سنانهم أو فوقيتة الحسانة.
وأي واحد خالف هاد القرار غادي يخلص غرامات كتبدا من 25 أورو وتقدر توصل حتى لـ500 أورو.