كود – كازا ///

المهنيين ديال السياحة في جزر الكناري واخا استقطبو العام الفايت تقريبا 16 مليون سائح وفايتين المغرب بشكل كبير، إلا أن استثمار مجموعات سياحية عالمية ف مشاريع الأوطيلات ف المغرب مطير النعاس منهوم بسباب ازدهار قطاع الفنادق قبلادنا ف السنوات الفايتة والماجية.

وحسب تقارير إخبارية، جذب المغرب بشكل متزايد مجموعات الأوطيلات الكبرى، مثل أكور وهيلتون وإنتركونتيننتال (IHG) وماريوت راديسون، وهي المجموعات اللي باغية ترسخ وجودها في المملكة. وهاذ الشي كيثير القلق في جزر الكناري. خايفين من خسارة السياح لصالح المغرب.

ومن المنتظر، باش تدشن هاذ مجموعات الأوطيلات الكبرى 161 أوطيل جديد ف المغرب، خلال السنوات القليلة الماجية، واللي كيعني 100 ألف سرير إضافي، مما سيساهم في تعزيز جاذبية المغرب كوجهة سياحية، حسب ما أوردته هاڤينگون بوست.