نجوى المالحي-كود//

كيف ديما، الممثلة المغربية مريم حسين لي مستقرة في الامارات كتكون حديث الصحافة في الخليج وكتشد التراند في تويتر بتصرفاتها وتخلفها.

وقالت حسين في سناب شات البارح الجمعة أن جميع الرجال بدون استثناء كيخونو عيالاتهم، بمن فيهم باها.

وأكدات مريم حسين أنها كتفضل الراجل يخون بلاما تعرفو مراتو. هاد الكلام قالتو باش تجاوب على الجدل لي دارت وهي كتغني أغنية “ذاك الغبي” ديال المغنية أصالة نصري بعد طلاقها من المخرج طارق العريان.

الصحافة في الخليج هزو الفيديو ديالها وقالو أنها كتشمت في المغنية لكن هي وضحات أن أصالة غنات باحساس كبير لأنها كانت كتدوي فيها على طليقها الخائن، وأن الأغنية قاستها بشكل كبير حيت حتى هي مطلقة من راجلها السعودي فيصل الفيصل بسباب الخيانة.