الرئيسية > آش واقع > البرنامج المسيء للملك فالدزاير. المجلس الوطني للصحافة: هذا انتهاك لأخلاقيات المهنة والبرنامج فيه تعابير تحقيرية حاطة من الكرامة كتشيد بالحرب بين الشعبين
13/02/2021 19:20 آش واقع

البرنامج المسيء للملك فالدزاير. المجلس الوطني للصحافة: هذا انتهاك لأخلاقيات المهنة والبرنامج فيه تعابير تحقيرية حاطة من الكرامة كتشيد بالحرب بين الشعبين

البرنامج المسيء للملك فالدزاير. المجلس الوطني للصحافة: هذا انتهاك لأخلاقيات المهنة والبرنامج فيه تعابير تحقيرية حاطة من الكرامة كتشيد بالحرب بين الشعبين

كود كازا//

عبر المجلس الوطني للصحافة على إدانتو الشديدة للبرنامج اللي بثاتو قناة “الشروق”، واللي قال أن فيه تهجم واضح على الملك محمد السادس والشعب المغربي، وفيه تعابير تحقيرية، حاطة من الكرامة وهذشي منافي لأخلاقيات العمل الصحافي، حسبو.

وقال المجلس، فبلاغ ليه توصلات بيه “كود”، أن بحال هذ البرامج ماعندها علاقة ببرامج السخرية اللي كتبتها القنوات المتحضرة، واللي كتكتفي بالتعليق والنقد، “دون الوصول إلى التحامل وتشويه الصورة الشخصية والإساءة للشعوب”.

وأكد المجلس أن البرنامج المذكور، استعمل عبارات قدحية فحق الملك، واحتقر الشعب المغربي، و”أشاد بشكل واضح بالحرب، وهي كلها انتهاكات صارخة لأخلاقيات الصحافة”، كيف حذر من “مغبة السقوط في زرع الكراهية والحقد بين الشعوب، الأمر الذي يناقض الرسالة النبيلة للصحافة”، حسب البلاغ نفسو.

وزاد أن الحلقة ديال هذ البرنامج المعني فيها تهجم على اليهود، واعتبرها ممارسة ممنوعة فجل القوانين فالعالم، حيث لا يمكن التمييز بين البشر بسبب العرق والدين.

ودعا المجلس، الصحافة والإعلام فالمغرب، للامتناع عن إصدار أي ردود أفعال مماثلة، حرصا على الالتزام بأخلاقيات الصحافة وبالموضوعية والنزاهة، والعمل على تكريس روح الأخوة بين الشعبين المغربي والجزائري.

ووجه المجلس، فبلاغو، نداء للصحافيين والإعلاميين فالجزائر، باش يبعدو على أي حاجة كتسيء لعلاقات الأخوة والصداقة بين الشعبين، ونبذ وعزل اللي بغاو يخلقة أجواء التوتر والمواجهة وإثارة مشاعر الحقد والكراهية والعنف.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا