گود سبور//

قرر الدولي البرازيلي السابق روماريو بطل كأس العالم 1994 مع منتخب البرازيل، يتراجع على اعتزال الكورة، ويرجع يلعب فقرار مفاجئ لمتتبعين الكورة فالعالم.

وعلن روماريو مول 58 عام، أنه غيرجع يلبس الصباط اللي علقو 15 عام هادي، ووضح فأنستغرام ديالو بلي غيرجع يلعب الكورة مع الفريق اللي عزيز عليه “أميريكا دي ريو دي جانيرو”.

وأكد النجم البرازيلي أن ماشي غيرجع ينافس على البطولات وما غيلعبش گاع الماتشات ولكن غيلعب غير شي مباريات ويحقق الحلم ديالو الأخير فالكورة وهو يلعب مع ولدو رومارينيو.