كود – وكالات //
قررات ولاية كانساس الميريكانية تبقى محافظة فاستفتاء شعبي على حماية حقوق الإجهاض، فانتصار كبير للمجموعات اللي كتطالب بالحق فالاختيار.
وقال الناخبون بأغلبية كبيرة بأنهم كيرفضو تعديل دستور الولاية من أجل إلغاء الحق فالإجهاض.
وهاد الاستفتاء هو أول امتحان انتخابي فقضية الإجهاض فالوقت اللي سمحات فيه المحكمة العليا فميريكان للولايات بحق كل ولاية فتأكيد الحق فالإجهاض أو الإلغاء ديالو.
وفحالة كانت نتيجة التصويت مختالفة، غادي يحاولو المشرعين يفرضو قيود إضافية على الإجهاض أو حتى الإلغاء ظيالو نهائيا فكانساس.
وكان هاد الاستفتاء فكانساس متوقع بنسبة كبيرة من نهار قررات المحكمة العليا الميريكانية نقض الحكم فقضية “Roe v. Wade “، وهو الحكم اللي كان شرّع الإجهاض على مستوى البلاد فعام 1973.