كريم الصوفي – كود//
الأزمة الداخلية اللي كيعرفها اقتصاد مدينة سبتة المحتلة أثرات بشكل على سوق العمل وتسبات في كساد كبير وحتا المغاربة اللي مقيمين في وضعية قانونية فقدو الخدامي ديالهم وزاد تكفس الوضع ديالهم مع الجايحة. كل هاذ الامور ما عطوهاش “الحراگة” اللي دخلو لـ سبتة المحتلة اعتبار وكيسحاب ليهم باقي اسبانيا تقدر تمشي ليها وتدير الفلوس والطوموبيل والمستقبل ديالك بالزربة.
هاذ الشي كان في القديم اييه لكن دابا خاصك تفني سنوات من حياتك تعيشها في الظل كـ “حراگ” معندوش الحق في الخدمة، باش تسنا يتصيبو ليك الوراق وعاد تقلب على خدمة تجيب بيها التعادل ولا تقلبها تبزنيس في الحشيش والكوكايين باش تولى لاباس عليك بالزربة وتطيح في رمشة عين..