كود سبور//

أكد الدولي المغربي ابراهيم دياز نجم ريال مدريد الإسباني، أن المستوى اللي بأن به فالظهور ديالو الأول مع المنتخب المغربي فالماتشات الوديين بجوج اللي فاتو، هو غير بداية وأن اللي جاي غيكون احسن.

ابراهيم دياز اللي رجع لإسبانيا وشارك اليوم الخميس فحصة تدريبية مع ريال مدريد الإسباني، ما كيحبسش من إظهار الحب ديالو للمغرب والمنتخب المغربي، وخرج غير دابا تاني وأكد أنه بالفعل اختار يلعب مع المغرب عن حب وبالقلب ديالو، وحط سطوري فأنستغرام فيه تصويرتو بالتوني المغربي، قال: “هادي البداية واللي جاي أحسن”.

وفضل ابراهيم دياز يلعب مع المنتخب الوطني المغربي على إسبانيا فين تزاد وكبر وتكون فالكورة، حيث عندو حب لبلاد الأجداد ديالو، وهذا الشي أكدو ملي جا للمعسكر الأخير ديال المنتخب المغربي، وهو أول حضور لابراهيم دياز مع الأسود.