كود يونس أفطيط///

قال مصدر خاص في حديث مع كود أن العنصر قوالبي وقدر يقولب كاع دوك لي دايرين عليه تيار التغيير ، حيت كانت في اللول ال عقلتو، حملة اعلامية على المادة 50 من القانون الأساسي لكان دار في 2014 ولي باش هو طلع العنصر في المؤتمر 12 ، هاد المادة تتكول بان الى بغيتي ترشح للامانة العامة خص تكون عندك ولاية كاملة في المكتب السياسي ويلا دوزتي ولايتين متتاليتين معندكش الحق تعاود ترشح .

اليوم في الاعداد لمشروع القانون الأساسي ديال المرحلة المقبلة ، يضيف ذات المتحدث، دارت بروباكندا كبيرة وبانت قيادة تغيير جديدة وخطاب جديد طبعا ، ولي باغين يرتشحو ولي كان عندهوم عائق ديال الولاية الكاملة للترشح لسباق الامانة العامة بحال حصاد، وبالتالي كانت صعيب بزاف وناضت ضجة والعنصر حنا راس وقبل بضغط من تيارات باغية التغيير يبدلوا المادة 50 ويحيدو داك الشرط .

وكالك اسيدي ملي غادي يتصوت على هاد القانون لي باغي يحط الترشح يحطو لانه مغيتحبس باب الترشح حتا نهار 29 شتنبر اي اليوم الثاني من المؤتمر ، ولكن ملي بان البلاغ دالمكتب السياسي بارح باب الترشيح دارو باش يتسد 27 وبالتالي التصويت على القانون الجديد لغيسمح لبحال حصاد لي معندوش الاهلية مسدود لان المادة 50 لي خدامة بيها الحركة ديال المؤتمر 12 ماشي ديال هاد المؤتمر القانون القديم ، العنصرتيكول انا عندي الحق و قولبهوم حيت هو عندو ولاية وحدة ودرنا الملائمة مع القانون الاحزاب وغادي يحط الترشح ….