الرئيسية > آش واقع > قياديي AMDH كيطالبو الراضي والريسوني باش يحبسو الاضراب عن الماكلة
13/04/2021 12:20 آش واقع

قياديي AMDH كيطالبو الراضي والريسوني باش يحبسو الاضراب عن الماكلة

قياديي AMDH كيطالبو الراضي والريسوني باش يحبسو الاضراب عن الماكلة

كود كازا//

دارو حقوقيين بالجمعية المغربية لحقوق الإنسان، وقفة تضامنية مع الصحافيان المعتقلان عمر الراضي وسليمان الريسوني، كيطالبوهم فيها بتعليق إضرابهم على الماكلة.

وناشدو الحقوقيين، وهم الرؤساء السابقين للجمعية، بالإضافة للرئيس الحالي عزيز غالي، الصحافيان بوقف إضرابهما عن الطعام، اللي بداوه نهار السبت، بينما الريسوني داير إضراب حتى على الما.

وطالبو الحقوقيين، اليوم الثلاثاء فالمقر ديال الجمعية فالرباط، بالإفراج على المعتقلين، سيما وأنهم مشدودين بدون محاكمة لمدة طويلة، وهذا اللي جعلهم يحبسو الماكلة، كيف حملو المسؤولية للسلطات الى وقعات ليهم شي حاجة.

ومن الحقوقيين اللي دارو هذ الوقفة كاين عبد الرحمان بنعمرو، وخديجة الرياضي، وعبد الحميد أمين، وعاد الرئيس الحالي عزيز غالي.

موضوعات أخرى

17/05/2021 20:20

الحكومة و رجوع مغاربة العالم فهاد الصيف.. النائب البرلماني حجيرة: خاصها توضح الإجراءات اللي موجدة لهاد العملية – وثيقة