كود- عن FDM//

احتفالا بيوم إفريقيا العالمي، حط موقع Spotify ليستديال الفنانين اللي كيسمعوليهم الناس بزاف من القارة الإفريقية، وهكذا تبين أن الفنان المغربي .Saib هو المعروف كثر خارج المغرب، بينما الفنان النيجيري بورنا بوي هو الأكثر شهرة فالعالم.

وعرف الفنان المغربي وعازف الكَيتار .Saib شهرة كبيرة عند عشاق موسيقى Lo-Fi فميريكان والنكَليز والبرازيل وألمانيا وكندا، الشي اللي خلاه هو الفنان المغربي الأكثر استماعا خارج المغرب على المنصة، بأسلوبو اللي كتمتزج فيه موسيقى من ثقافات كثيرة.

الرابور ElGrandeToto حتى هو كيتعتبر من الفنانين المغاربة اللي كيتسمع ليهم بزاف خارج المغرب، خصوصا بعد طرحو لالبومو الجديد Caméléon،

وحتى الفنانة Hindi Zahra قدرات تدير بلاصتها فالساحة الدولية بأغنية Beautiful Tango، وكذلك الالبوم ديالها الأخير Homeland، الشي لي خلاها تكون حاضرة فقائمة اكثر الفنانين المغاربة استماعا خارج المغرب.

Journée de l’Afrique : Spotify met en avant les artistes marocains