الرئيسية > كود سبور > حسبان باغي انتاقم من اللعابة لفضحوه وباغي ادوزهم في المجلس التأديبي
14/09/2017 09:35 كود سبور

حسبان باغي انتاقم من اللعابة لفضحوه وباغي ادوزهم في المجلس التأديبي

حسبان باغي انتاقم من اللعابة لفضحوه وباغي ادوزهم في المجلس التأديبي

كود مصطفى الشاذلي ///

حلف سعيد حسبان، رئيس الرجاء الرياضي، حتى انتاقم من جوج ديال اللعابة فضحوه، وشوهو السمعة ديالو، بعدما أكدو أنهم كيموتو بالجوع معندهم ما ياكلو، وقرر حسبان باش ادوزهم في المجلس التأديبي.

وعوض ميعطي حسبان لمابيدي ومبينغي فلوسهم باش ادير ليهم المورال ولعبو مزيان، خلاهم بالجوع، وزاد باغي اتكرفس عليهم ونتاقم منهم، لأنهم فضحوه وأكدوا أنهم كيتسلفو لفلوس غير من عند المدرب ديالهم غاريدو، لتاهو طالع ليه الدم وباغي امشي فحالو بسباب الوضعية الخيبة لكينة في الفرقة.

واللاعبين مواخدين حتى ريال وباغي حسبان افرض عليهم غرامات مالية معندهمش أصلا منين اخلصوها، وهادي طريقة دارها الرئيس باش انقص ليهم شوية ديال لفلوس، ونقص عليه المصاريف.

وكان مبينغي دار تدوين في الفايسبوك قال فيها أنه معنجو ماياكل، ومعندو ميصرف على عائلتو، مراتو، وأن حسبان ديما كيكذب عليه وكيخوي عليه، وقال للجمهور كيفاش تبغيونو نكون لاعب مزيان وأنا معندي حتى مناكل.

هادشي معجبش حسبان خصوصا أن مبينغي قال أنه كيقطع عليه التليفون ومكيجوبوش، وهادشي علاش قرر انتاقم منو من صاحبو مابيدي.

الرجاء مازال كتعيش أزمة خانقة، واللاعبين والمدرب عوتاني بدا كيطلع ليهم الدم، واقدرو اديرو شي إضراب جديد هاد العام.

موضوعات أخرى