كود كازا ///
اليوم اول نهار يمكن لمستعملي لوطوروت فاقليم كاطالونيا فالصبليون يستعملو هاد الطرق بلا ما يخلصو. القرار دارتو حكومة الاقليم المعروفة بتوجهها الانفصالي.
اليوم كاين كثر من 500 كيلومتر فابور. وهادي اول حكومة جهوية فاسبانيا خدات هاد القرار.
لوطوروت دارت هادي سنوات وبررات كاطالونيا هاد القرار باللي خلصات ثمنها ودابا خاصها ترجع فابور كلشي.
حنا عندنا حملة انتخابية هاد ليام. ما كاينش شي حزب سياسي هدر علي هاد الشي. مثلا اوطوروت الرباط كازا كان خاصها تولي فابور. راه ماشي غير دخلات فلوسها. راه ولات مربحة.
ايلي طريق بحال هادي ولات مجانية راه غادية تقدر تؤثر علي اثمنة عدد من المواد بحال الخضر والفواكه….
