كود فاس //

بكلام قاصح هاجم حميد شباط الأمين العام السابق لحزب الإستقلال، نزار بركة الأمين العام الحالي للحزب. جاء ذلك في يث مباشر (لايڤ) نشره شباط على صفحته الرسمية بموقع التواصل الاجتماعي “فايسبوك”.

وقال شباط مخاطبا الأمين العام لحزب الإستقلال: “فيق يا نزار وعنداك تجيب صحاب الشكارة راه ماغاديش يجيبو والو. اتق اللـه فـ الحزب وبني الحزب بالمناضلين ودعم الإستقلاليين بداكشي اللي بعتي بيه مقرات الحزب والمطبعة. وخاصك تعرف راك نتا اللي تعاقبتي باش طلعتي أمين العام”.

شباط وجه رسالة لأعضاء اللجنة التنفيذية لحزب “الميزان” وقاليهم: “تفكرو غير ساعة ديال الخير معايا. وماعنديش علاش نجبد كولشي”. قبل أن يضيف مهاجما البركة: “شباط اللي هاجمتيه راه محبوب وعارف فاس والجهة كولها ويوميا الإتصالات كاتجيني ويكفينا حب الناس ومللي نهبط للسوق أو الحومة ويعنقوني الناس”.

ودعا شباط نزار بركة باش يجي لفاس ويديرو شي دورة مجموعين، وخاطبو بالقول: “وخاصك تزيد تعرف راه العرايش اللي غادي تترشح فيها وباغي تدير دوزيام ديالك واحد من البام واللـه مايعرفوك تما ويعرفوني أنا. أنا أزور مولاي عبد السلام أكثر منك وعارف ماذا يعانون أكثر منك وجمع راسك وخاصنا نتعاونو على الحزب ولبلاد وبقا تعرف شنو كاتدير وباركا من التصريحات الزايدة”.

وزاد شباط بكلمات لا تخلو من التهديد والوعيد: “الأمين العام لا يتحاور إلا مع الشكامة والبركَاكَة وخاصك تتحمل المسؤولية ديالك لكبيرة. وأنا اقترحت عليك تجي ترشح فـ فاس حقاش نتا أمين عام وفاس ساهلة غادي تكون. وشفتي لقلب لكبير لكن مع القلب الصغير لا يلتقيان”.

شباط أضاف في “رسالتو” للأمين العام لحزب الاستقلال: “راه يلا استمريتي في ترشيح ناس خارج الحزب غادي نوضو نقلبو مع الإستقلاليين على راسنا والإنطلاقة ستكون من فاس وماتلوموناش يلا خدينا شي توجه آخر”.

https://www.facebook.com/Chabat.Hamid/videos/338528644477969/