كريم الصوفي – كود//
[email protected]

نشر حزب بوكس ف الصفحة الرسمية ديالو ف تويتر تغريدة مع فيديو على الأحداث اللي رافقات الماتش ديال المغرب والتشيلي فملعب اصبانيول برشلونة. تعليق ديال هاذ الحزب اليميني كما العادة جات كلها عامرة ب تاعنصريت ديالو.

دخول الجمهور للملعب كان خطأ استغل سياسيا خاصة فظل فوز اليمين المتطرف الايطالي بالانتخابات فبلادو وقرب الانتخابات فاسبانيا. باقية ليها شي عام

التدوينة اللي كان معاها فيديو لاقتحام الجمهور فماتش الجمعة اللي فات جا فيها “المشجعين لمغاربة تجاوزو النقاط الامنية =فالملعب= وغزاو التيران فماتش المغرب ضد الشيلي. هاد الشي ماشي فسان دوني =فالضاحية الباريسية ومعمرينها من اصول مغاربية= او مراكش او الرباط. اللا هاد الشي فملعب اسبانيول برشلونة فكورنيلا” لكن الجملة اللي كانت خطيرة هي باش خلطو هاد الشي بالاسلام والهجرة وكتبو “الاسلمة وتكوين گيطوهات فكاطالونيا كيتمدد بلا مراقبة”

يعني دارو كلشي باش يخلعو الاسباني ويصوت عليهم. قدمو الجمهور كاسلاميين داخلين لمعركة حقاش ما عندهمش اندماج فالمجتمع. طبعا فالتدوينة هجوم على الانفصاليين الكاطالان باسلوب هاد الحزب المتطرف٬ باش قال باللي هاد الانفلات الخطير كاين فهاد الاقليم.

Aficionados marroquíes rompen los controles de seguridad e invaden el campo de fútbol durante un partido Marruecos-Chile.

¿En Saint Denis, Marrakech, Rabat…? No, en el estadio del RCD Español en Cornellá.

La islamización y formación de guetos en Cataluña avanza sin control. pic.twitter.com/7bOqJ5Znw9

— VOX ???????? (@vox_es) September 24, 2022