نجوى المالحي-كود//

هند العلمي، خريجة المعهد العالي للصحافة والإعلام، والكوميدي حمزة الفيلالي تزادت عندهم البارح السبت بنتهم الثانية، من بعد معاناة حمل طويلة ملقاتش فيها هند راجلها في جنابها ووقع ليها بحال في حملها اللول.

التبركيكة لي جابت “كَود” أن الكوبل لي كانو مطلقين قبل ما يرجعو لبعضياتهم هادي تقريبا شي عام ونص، عاشو نفس المشاكل ديال الفترة الأولى ولقات هند راسها لا حنين لا رحيم بعدما قرر حمزة الفيلالي يتخلى على عائلتو الصغيرة.

الكوميدي كان ديما كيخبي الزواج ديالو من مراتو، وهادشي استمر سنوات طويلة قبل ما يعلن على الأمر بعدما شرطات عليه طليقتو داك الساعة ان العودة تكون علنية وكلشي يتعرف عليها، داكشي علاش دارو العرس والعمارية بحضور بنتهم لي عندها تقريبا 7 سنين.

حمزة وهند لحد الان مبلوكين بعضياتهم من انتسكَرام والهضرة بين العائلات مقطوعة، لكن لتفادي القيل والقال حط تصاور من غرفة الولادة ديال مراتو، بلاما يكشف أن بنتو الثانية تولدات.