26/04/2024 18:45
شوهة وضربة لميناء المتوسط. الخزيرات شدات 25 طن دلحشيش ودازت من الديوانا. واش كاين شي كومليس ولا ثغرة خاصو يطيرو فيها ريوس
إعداد و تصوير: سفيان جبروني – گود سلا//
خرجات “گود” ومشات عند مول الفران لي كيخدم فالحرارة و كيتقهر فهاد الصيف وخاصة مع الاحتباس الحراري.
سولناه كفاش كيدوز نهارو مع هاد الحرارة، وقال مول الفران لـ “گود”: 28 عام وانا فهاد الحرفة دوزتها بالصهد والشتا ديالها وكنفضل نبقا هاكا حر ولا نخدم مع بنادم وخا كاينة تمارا .
و أهم حاجة كيركز عليها هي أنه هاد الحرفة مبقاوش الجيل ديال اليوم كيخدمو فيها، يعني مول الفران خاص يخدم بوحدو، يشطب، يشعل الفران، يشد الخبز من عند الناس، يطيب ويعطي للناس الخبز.
وزاد قال مول الفران لـ”گود”: هاد الحرارة ولات عادية بالنسبة ليا خصوصا انه مكاينش بديل.