وكالات- كود//
ربح شخص أسترالي سميتو “ريتش ألتي” 65 ألف دولار ، بعد تخاطر مع صاحبو لي سميتو “روي يونغ” بأنه قادر يبقى 30 يوم فالظلام.
بحيت قامو الصحاب بتوثيق هاد التقاميرة بعقد بعقد قانوني، كينص على بقاء “ألتي” وسط غرفة مظلمة مافيها حتى نوع من الإضاءة لشهر كامل، وميخرج مايدرج منها ، ويتكلف صاحبو بتوفير جميع وسائل الراحة الأخرى من سرير مريح وحوض استحمام، وجميع أنواع الطعام الي يطلبها القمار ، فتامقابل ميكونش عندو حتى جهز إليكتروني يقدر يضوي بيه ، مع مراقبة الغرفة ببث مباشر على مدى 24 ساعة باش يتأكدو من التزامو بالاتفاق.
وحطو بجوجهم عند شركة ديال التأمين مبلغ 100 ألف دولار ، باش تدفع للطرف الآخر فحالة مقدرش شي واحد فيهم يكمل التقاميرة ديالهم ، لكن وبعدما دازت 20 يوم من الرهان، كانت حالة “ألتي” النفسية مزيانة وقادر يصبر ويكمل ويربح المبلغ كامل ، إلا أن صاحبو “يونغ” شداتو الخلعة على فلوسو ، وبدأ كيفاوضو باش يحبس المخاطرة ديالهم وينقص الفلوس ، وفالنهاية قنعو بمبلغ 65 ألف دولار ووافق “ألتي” وخرج من الغرفة المظلمة رابح.