كود الرباط//
كشفت مصادر مطلعة لـ”كود” أن 4 مليون جرعة من فاكسان استرازينيكا، جايا من الهند للمغرب هاد الصباح.
مصدر “كود” قال بلي الكمية ديال هاد اللقاح غاتوصل مع ديك جوج ونص للمغرب.
الضربة اللي دار المغرب فاللأول باستيراد جوج مليون جرعة من فاكسان استرازنيكيا، زاد اكد انه بلد قادر يخلق المفاجآت والدليل انه عملية التلقيح بسرعة وبدقة عالية وبتنظيم محكم.
معطيات حصرية توصلت بها “كود” أن الكمية المهمة ديال اللقاح استرازينيكا غادي دخل اليوم، بمعنى 2 مليون مغربي غادي ياخذو هاد اللقاح.
الخطة باش خدم المغرب، بالاستعانة بتجربة ووطنية كفاءات مغربية على رأسهم سيمر مشهور نائب رئيس “سامسونگ بيولوجيك” ديال الادوية لي لعب دور مهم من أجل حصول المغرب على تلقيح أسترا-زينيكا، الخطة نجحات وبهرات العالم.
سمير مشهور لعب دور كذلك باش المغرب يتوصل بالدفعة الثانية من هاد الفاكسان.
