26/04/2024 04:00
عسكري إسرائيلي سيفط تصاور ديال “القبة الحديدية” لإيران.. المخابرات قولباتو بفوكونط ديال بنت بوكوصة
محمود الركيبي – كود – العيون //
قالت مصادر مطلعة بأن مخيمات تندوف كتعيش على وقع احتجاجات كبيرة ومواجهات بين أبناء شي قبيلة وعناصر مايسمى لدى جبهة البوليسارية ب”الدرك الوطني”.
ووقعات هاذ المواجهات قدام مبنى قيادة البوليساريو فالرابوني، وكتجي ضد قرار صدراتو “محكمة عسكرية” تابعة لقيادة الجبهة ضد 3 أشخاص بينهم ابن “قائد لواء الاحتياط” ومسؤول “لجنة الدفاع” بالجبهة بحيث حكمات عليه ب15 سنة بسباب قضية حيازة المخدرات، فيما العائلة ديالو كتنفي هادشي كامل وكتتاهم واحد من عناصر القيادة البوليساريو بتوريط ولدهم فهاد الضوصي.
هذا ومازالت الأوضاع قدام مقر مايسمى “الرئاسة” فالرابوني على وقع احتقان وكاينة مواجهات بين المحتجين وميليشيات عسكرية تابعة للبوليساريو، ومن الممكن تتطور المواجهات ويوقع إستعمال السلاح وإطلاق النار فأي لحظة.
