“كود” تلاقات البگرة اللي ربحات لقب اكبر حلابة. كتعطي 60 ايطرو فالنهار واللي جات الثانية. بجوج ما عندهم سمية وحدة رودانية ولخرى حمداوية
إعداد وتصوير: عفراء علوي محمدي – كود//
كانت ردود المغاربة على إعلان الإمارات بشمل رسمي على علاقتها مع إسرائيل متوقع نوعا ما، بحيث الأغلبية شافو أن الإمارات كدولة من دول الخليج فالشرق الأوسط عندها مصلحة اقتصادية وسياسية فهذ العلاقة، وأن مجموعة كبيرة من الدول العربية فعلاقات مع إسرائيل أصلا، واخا ماعلنوش عليها رسميا.
“كود” نزلات الشارع باش تسول المغاربة حتى على واش المغرب ممكن يدير علاقة رسمية مع إسرائيل فمراحل مقبلة حتى هو؟ الأغلبية شافو بللي هذشي مايمكنش بحكم تشبثو بالقضية الفلسطينية، لكن كاين منهم اللي شاف أن المغرب إلى لقا مصلحة فهذ العلاقة، اللي تخدم قضايا البلاد وخصوصا قضية الصحراء، غايدير هذ العلاقة وغايكونو معاه مهما كان.
ومازال منهم اللي كيشوف أن فالارتباط مع إسرائيل “خيانة” للقضية الفلسطينية، وكيوصفو هذ العلاقة ب”التطبيع”، باعتبار اسرائيل “كيان محتل” فالمنطقة العربية.
هذا تعليق المغاربة على تطبيع الإمارات مع إسرائيل: هذشي عادي فإطار المصلحة والمغرب موحال يدير بحالها
Publiée par Goud.ma sur Vendredi 14 août 2020