نجوى المالحي – كود //

من بعد 3 سنين ديال المعاناة مع العكاز وحصص التدليك، قدرات حسناء الزاكي البطلة المغربية في رياضة الكابويرا، أنها ترجع تمارس رياضتها بعدما تشافات من الهرس اللي تعرضات ليه في رجلها.

حسناء بنت المدرب المغربي بادو الزاكي، نشرات فيديو على حسابها في انستكَرام، دايرة الكمامة على وجهها في نفس الوقت كتدير رياضة الكابويرا لي كتجمع بين الفنون القتالية والحركات الراقصة وهي نوع من أنواع الفن لي مشهورة بزاف في البرازيل.

الفيديو ديال البطلة المغربية حظى بتفاعل المتتبعين ديالها، وحتى صحابها لي عبرو ليها على فرحتهم بعدما قدرات ترجع للحياة ديالها الطبيعية ودير الفن لي كتعشق خصوصا ان فترة الهرس مكانتش ساهلة نهائيا ودامت مدة طويلة.

https://www.instagram.com/p/CLEXfcMo9fiA4TGx8Z6AVIHW7A_mCxLSz04VII0/?igshid=we0dfmjw0gp6