26/04/2024 11:00
واش يقدرو يديروها؟ ها العقوبة اللي كتسنا الجزائريين إذا ما لعبوش اتحاد العاصمة ماتش الروتور مع بركان وتقدر توصل حتى للمنتخب الجزائري
كود- كازا//
نهار على نهار كورونا كيقتل أطباء وكفاءات وأطر عليا فالمغرب، وهذ السيمانة اللي فاتت كانت فيها أعلى حصيلة ديال وفيات الأطر الصحية، بحيث قتل الفيروس 6 أطباء كيشتغلو فالقطاع الخاص.
وحسب بلاغ نقابة الوطنية لأطباء القطاع الحر، اللي توصلات بيه “كود”، فالأمر كيتعلق بالدكتور محمد سعيد الكوهن الطبيب العام قيد حياته بالقطاع الخاص بالدار البيضاء، والدكتور ابراهيم افروخ أخصائي أمراض العيون بسطات، والدكتورة إدريسي عمراوي الطبيبة العامة بالرباط.
كذلك توفى الدكتور محمد غيلان أخصائي أمراض الجهاز التنفسي بآيت ملول، والدكتور محجوب فليفلي أخصائي جراحة العضام باليوسفية، والدكتورة أمال البوساليمي الطبيبة العامة بالدار البيضاء. والدكتور عبد المجيد بودالي اخصائي جراحة العظام بفاس.
