عفراء علوي محمدي- كود//

هذي المرة الثانية اللي كيسجل فيها المغرب أكثر من 70 وفاة فظرف 24 ساعة فقط، بحيث ماتو ليوم 72، وبلغ الإجمالي 3373، بنسبة فتك ديال 1,7 فالمية.

وحسب نشرة “كوفيد 19″، اليوم الاثنين، الإصابات الجديدة بكورونا مازال كتحقق ارتفاع كبير،  بحيث تسجلات اليوم 2264 حالة، وهكذا وصل الإجمالي ل199745، بمعدل إصابة د550 لكل 100 ألف نسمة، و6,2 لكل 100 ألف نسمة فهذ 24 ساعة.

وبراو اليوم 2727 واحد، ووصل المجموع ل165922، بنسبة تعافي 83,1 فالمية.

بالنسبة للحالات النشطة فبلغ عددها 30450، منها 764 فالإنعاش.

و48 من الحالات الخطيرة تسجلات غير فهذ 24 ساعة، و56 منها تحت التنفس الاصطناعي الاختراقي، ونسبة ملئ أسرة الإنعاش بلغات 33,25 فالمية.

واليوم تستبعدات 18097، ووصل مجموع الحالات السلبية 3018233.

وكتتوزع الإصابات والوفيات الجديدة على الجهات والأقاليم كما يلي:

وهذا مؤشر الإصابة الأسبوعي لكل 100 الف نسمة فالسيمانة اللي فاتت:

وهذا منحى التطور الاسبوعي لمعدل الإصابة على كل 100 الف نسمة: