عفراء علوي محمدي- كود//

اليوم جهة كازا سطات سجلات أرقام كتخلع ديال الإصابة بكورونا، كانت سجلاتهم آخر مرة العام اللي فات، فاش كانت موجة الثانية للفيروس فالذروة ديالها.

وتقاسو فالجهة اليوم 1191 واحد، فظرف 24 ساعة فقط، منهم 903 فكازا بوحدها.

ومن مدة طويلة ما عاودات المديرية الجهوية للصحة فالجهة دارت الحصيلة ديالها الوبائية اليومية، على خلاف أغلب المديريات الجهوية الأخرى، الشي اللي كيستحل معاه يعرفو المواطنين العمالات اللي منتشر فيهم المرض كثر ويزيدو يحتاطو.

وبالنسبة للأقاليم الأخرى، فتسجلات 80 إصابة فالنواصر، و68 فالمحمدية، و58 فالجديدة، و36 فبرشيد، و22 فسطات، و15 فمديونة، و6 فسيدي بنور، ثم 3 فسيدي سليمان.

وبالنسبة للوفيات، ماتو اليوم 2 فجهة كازا سطات، واحد فكازا والثاني فسطات.

وسبق لوزير الصحة قال، أمام مجلس النواب، أن كازا بوحدها فيها 50 فالمية من الإصابات اللي مسجلة فالمغرب، وبانو فيها إصابات بالمتحورين الفا وديلتا.