نجوى المالحي-كود//
عارضة الازياء المغربية نهيلة ابو حنيفة لي مستقرة في دبي مع الام ديالها جات للمغرب البارح وحطات فيديووات على سناب شات مع كلبها من نوع كانيش لي رجعاتو بحال شي بيبي.
نهيلة دارت ليه الحمال وركباتو في كرشها زيد عليها دارت ليه بانضات في الغوز ولبساتو حتى سباط. وهادشيلي يقدر يبان لشي وحدين غير لعب ولا تهلية، هذا راه تعذيب ديال الحيوان ولعب بيه، الكلب مامديورش باش نلبسو ليه الصبابط ونديرو ليه البانضات فالغوز، الكلب هو صديق وفي ديال الانسان وملزوم علينا نتهلاو فيه ونقابلوه ونبغيوه.
نهيلة تشهرات ملي كانت شاركات في فيديو كليب “تسونامي” ديال أحمد شوقي ومن ديك الوقت كادير جلسات تصوير مع المجلات.
