26/04/2024 03:00
ميريكانية عندها 8 سنين ولات نجمة بسباب مرض نادر.. وهادي هي القصة ديالها
نجوى المالحي-كود//
من نهار تشدات سكينة كَلامور في قضية عصابة حمزة مون بيبي وعائلتها مفضلين يلتازمو الصمت ومايدويوش في الموضوع نهائيا سواء في العالم الافتراضي ولا الواقعي.
خلال هاد الأشهر من الاعتقال والتحقيق كانت ختها مستغلة حسابها الانستكَرامي باش تدوي في الخدمة ديال الريسطو والحوايج لي كيبيعو.
البارح وبشكل استثنائي وبعدما حكمات عليها المحكمة بعامين ديال الحبس في القضية لي ولات شاغلة الرأي العام كتبات ختها في ستوري على حساب كَلامور فانستگرام: “حسبنا الله ونعم الوكيل”.
وكانت المحكمة ديال مراكش حكمات على سكينة كَلامور والمراسل محمد ظاهير وعدنان “مول الفيراري” ب6 سنين ديال الحبس كل واحد يدوز منها عامين، وغرامات.
