كريم الشركي – كود //

بحال مسلسلات “ناركوس” و”إل شابو”، تبين أن بعض الوحدات ف أمن الصبليون، داخلة مع أباطرة المخدرات وكتحميهوم، وخدامة معاهم.

الشؤون الداخلية للبوليس، اللي المهمة ديالها مراقبة الأداء الأمني ومنع الفساد، دارت عملية نوعية فككات فيها ريزو ديال المخدرات بعد شهور من التحقيق.

الشؤون الداخلية بدات التحقيق فهاد الريزو، بعدما شكات فارتباط أمنيين معها، وحصيلة الاعتقالات وصلات لحد الساعة أزيد من 20 معتقل، بينهم وحدة كاملة للتحقيق فالمخدرات ومكافحتها.

العملية اللي وقعات ف باداخوس الإسبانية، تعتاقلو فيها 5 ضباط أمنيين، بالاضافة لعميلين ديال الحرس المدني.

هاد الشبكة الإجرامية كانت مكلفة بزراعة وتوزيع الماريخوانا في مقاطعة إكستريمادورا، وتم حتى الآن اعتقال 22 شخصًا وتم تحديد مكان وتفكيك 4 مزارع “داخلية” تضم أكثر من 3000 نبتة من نبات الماريخوانا.

https://www.elespanol.com/espana/20210915/detenido-equipo-estupefacientes-merida-colaborar-plantas-cannabis/612189443_0.amp.html?utm_medium=Social&utm_campaign=Echobox&utm_source=Twitter&__twitter_impression=true&s=08