وكالات //
في الهند أغلبية الناس كايقدسو البقر وفي ظل هاد الأزمة اللي كايعيشوها حاليا مع ارتفاع حالات الإصابة بفيروس كورونا، بزاف ديال الناس ولاو كيشربو البول ديال هاد الحيوان المقدس عندهم ويغطيو الأجساد ديالهم بالزبل ديالو اعتقادا منهم أنو كيقدر يشفي اللي قاسو الفيروس و اللي صحيح مايتعاداش.
هاد المعتقد ديال أن البول وزبل البقر غادي يشافيهم انتاشر في الأيامات الأخيرة بين عامة الناس، رغم أن الأطباء حذرو المواطنين من هاد الممارسة وأكدو أنه ماكين تاشي دليل أنه فعال، بالعكس كايزيدو يعرضو نفسهم لخطر الإصابة بأمراض أخرى.
ولحد الآن في الهند كاين 22 مليون واحد قاستو كورونا وكثر من 240 ألف واحد مات والصبيطارات عمرو وولى الأوكسجين قليل والأدوية حتى هي. كارثة حقيقية كايعيشها هاد البلد الأسيوي.
