نجوى المالحي-كود//
المغني المغربي سعد لمجرد دار البارح الجمعة ثاني حفل فني ديالو في دبي من بعد 3 سنين ديال التوقف بعد سجنو في جوج قضايا ديال الاغتصاب في فرنسا.
الفرق بين الحفل لي كان في الرياض الشهر لي فات وحفل البارح أن سعد لمجرد طلقات منو التدهشيرة وبان أن الخلعة مشات منو وخدا راحتو فوق المسرح وهو كيغني ويشطح للجمهور.
فالحفل البارح كان معاه المصري محمد رمضان وغناو ديو “إنساي”، والجمهور كان حاضر وغنا أشهر أغانيه.