نجوى المالحي. كود

أول أمس السبت كان حفل التسامح لي أكادير لي كيدار سنويا، المثير في هاد الدورة أن المغني الجزائري سولكينكَ طلع غنا فوق لاسين، مع العلم أن المنظمين مقالوش أنه حاضر، ومكانش اسمو مذكور ولا صورتو في الملصق الاعلاني.

هاد الحفل لي هو الأول ديالو في المغرب من نهار هز درابو ديال البوليساريو في حفلة في اسبانيا، ومن ديك الوقت ناضت روينة ومطالب بالمقاطعة ديالو وحتى بزاف الراديوات قاطعوه ومبقاوش كيدوزو أغانيه.

تبركيكة في جابت “كود” أن المنظمين ديال حفل التسامح دوزو الكلمة مع سولكينكَ ولكن معلنوش على حضورو خوفا من رفع شعارات للمطالبة برحيل ديالو ويقدر ينوض صداع لأنه مس المغاربة في شي حاجة لي عمرهم غادين يعتارفو بيها.

الناس في الحفل تفاعلو معاه، والأمور دازت بيخير وعلى خير.