هشام اعناجي – كود الرباط//

الاحرار دار مفاجأة كبيرة لبارح فليلة 8 شتنبر، او ليلة سقوط ما يعرف بتيار الاسلام السياسي المشارك في السلطة (العدالة والتنمية)، بحيث صوتو على الحمامة ما يقارب 3 مليون مغربية ومغربي، وهي اكبر نسبة تصويت على الحزب الأول في تاريخ الانتحابات المغربية.

الاحرار دابا حصل على 102 مقعد، كانت هادي توقعات نشرتها “گود” نقلا عن مصادر فالبي جي دي ومصادر اخرى مطلعة.

ف 2016 البي جي دي جاب جاب مليون و618 الف و963 صوت.. ف 2021 الاحرار جاب الضوبل ديالها.

هزيمة غير مفهومة ونتائج غير متوقعة بالنسبة لقيادة البي جي دي.. كيفكرو يرجعو يبنيو التنظيم،  من باب المعارضة.. بالنسبة لقيادي هضرت معه “گود” فإن هاد الهزيمة هدية لينا نرجعو نبنيو التنظيم ونتواصلو مع الناس ونراجعو افكارنا.

وبلغ عدد الناخبين الجدد ما مجموعه مليون و806 ألف و724 ناخب، لتصبح الهيئة الناخبة الوطنية محددة في 17 مليون و509 ألف و316 ناخبا.