كود كازا//

التدوينات ديال رضوان الرمضاني ففايسبوك جبدات عليه النحل مع بزاف ديال الناس بعدما انتقد سعد لمجرد، وقبل من لمجرد، كاينة القضية ديال الحلقة “promo” من البرنامج ديالو، لي بين بالمونطاج أن طاليس كيعاير ام باسو وداكشي.

عصام وشمة انتقد مول برنامج “في قفص الاتهام” مزيان، واعتبر أن الطريقة لي خدام بيها الرمضاني هي الطريقة ديال البوز والبحث على الكليك واخة على حساب العائلات.

هاد القضية لي دار الرمضاني انتقدوها بزاف ديال ناس، واخة الحلقة تفرجو فيها كثر من نص مليون واحد، ولكن طريقة البرومو بقات مرونة عبادالله… غير هو وشمة مابيه لا باسو لا طاليس، داوي خاوي كالعادة باش يدافع على عشيرو لمجرد.

المهم ، أسي وشمة لي گالس تنتاقد فالرمضاني خاصك ديها في راسك وفالطريقة لي خدام بيها نت نيت، الرمضاني صحافي وعارف خدمتو، ومن حقو ينتقد لمجرد وغيرو إلا ماعجبوهش، ولا غير حيت صحافي خاصو يضرب طم وميعبرش على رأيو؟

وكانت “كود” سباقة فهاد القضية، وأكدات قبل بث الحلقة أن الامر كيتعلق غير بمونطاج، وأن باسو گاعما جبد طاليس فقضية السبان.