وكالات //

حاكم ولاية نيو جيرسي، فيل مورفي (Phil Murphy)، قال أنه غادي يعطي كاس ديال البيرة لكل واحد ماجور غادي يدير الفاكسان ضد كورونا.

وكتب حاكم الولاية الأمريكية في الكونط ديالو ف “تويتر”: “غادي نطلقو برنامج الفاكسان والبيرة (Shot and a Beer)باش نشجعو سكان نيوجيرسي اللي فايتين 21 عام ياخدو الفاكسان ضد كورونا. كل واحد دار الجلبة اللولة وجاب الوثيقة من حقو يشرب بيرة باردة فابور”.

وكيف ديما، كاين اللي معجبوش هادشي وقال بللي السلطات كاتعطي “رشوة” للسكان باستعمال الطاسة من أجل أقناعهم فالمشاركة ف عملية التلقيح اللي مزال بعض الناس كيرفضوها.