نجوى المالحي-كود//
عارضة الازياء والماكيوز المغربية دينا أقصبي قررات تهضر ولأول مرة على طلاقها من راجلها الرياضي هادي، مول مجموعة “بلاملز”.
في لايف دارتو من دبي، بقاو المتتبعين كيسولوها على قصتها مع راجلها، وقالت أنهم فعلا طلقو وهاد الموضوع بغات تسدو لأن التجربة كانت زوينة.
وكنا في “كود” أكدنا أشهر طويلة هادي أن الكوبل طلقو والقضية فيها الخيانة الزوجية وداخل فيها مغني مشهور.
الكوبل كل واحد شاد طريقو دابا، وكل واحد فيهم خدام على راسو وحتى صحابهم تقسمو ومبقاوش مشتركين، زيد عليها أنهم واخا في مدينة وحدة كاع مكيتلاقاو بمرة.