26/04/2024 14:30
التحقيقات على بيگاسوس فاسبانيا رجعات للواجهة.. القاضي كالاما تسلم من فرنسا تقرير فيه معطيات جديدة
أسماء غربي-كود//
في عز الكلاشات لي نايضة بين دنيا باطمة والممثل يوسف أوزيلال خرجات حلقة “حلوة رمضان” لي تصورات شي شهر دابا، وكتدوز في يوتوب، ودوات فيها باطمة على الهضرة القاصحة لي كتسمع.
دنيا بكات بالدموع وقالت أن الهضرة ديال الناس كتضرها في قلبها بحالا كيغرزو ليها في المواس، وأكدات أن الهضرة لي سمعات ملي تزوجات من محمد الترك على أنها خطافة الرجال جرحتها.
دنيا أكدات “أنا ماشي شريرة، أنا حنينة لكن كأي بنت كندافع على راسي”.
التعاليق كانت مقسومة على جوج بين لي أكد هضرتها وبين لي اتهمها بدموع التماسيح وعطاوها أمثلة بالكلاشات لي سيفطات لشخصية فاطمة تاويل لي قالباها هي وياها صباط هاد الايام.