26/04/2024 03:00
ميريكانية عندها 8 سنين ولات نجمة بسباب مرض نادر.. وهادي هي القصة ديالها
مصطفى الشاذلي – كود سبور//
وحيد خاليلوزيتش طلق 4 ديال اللعابة للمنتخب المحلي مباشرة بعد ماتش ليبيا البارح الجمعة بالملعب الشرفي فوجدة.
وغادر المنتخب الأول كل من الحارس انس الزنيتي وعبد الكريم باعدي ووليد الكرتي وإسماعيل الحداد من أجل الالتحاق بالمنتخب المحلي.
الحسين عموتة، مدرب المنتخب المحلي، عوال على هاد اللعابة فماتش الجزائر نهار السبت جاي بالملعب البلدي في بركان، من حجز بطاقة المرور لنهائيات كأس إفريقيا للمحليين 2020.
اللاعب المحلي الوحيد لي بقا مع المنتخب الأول هو هشام المجهد حارس اتحاد طنجة، لأنه ما كاينش فلاليست ديال عموتة.
المنتخب المحلي درب في ملعب السعيدية البارح وكانوا گاع اللعابة واليوم السبت غادي يلعب مع رديف منتخب ليبيا بالملعب البلدي في بركان، ويقدر يغيبوا بزاف ديال اللعابة على هاد الماتش.
المدرب عموتة فرحان فاش ما تقاص حتا واحد من اللعابة لي كانوا مع خاليلوزيتش خصوصا الكرتي والحارس الزنيتي.
