نجوى المالحي- كود//
من بعدما علنت الحمل ديالها الثاني من راجلها المصري محمد عثمان، شاركت المغنية المغربية جنات مهيد صورة جديدة، على حسابها في انستكَرام مع الأم ديالها لي كتعيش معاها في مصر وبنتها لي عندها نفس اسمها جنات.
الصورة لي شاركت جنات مصيفة مع عائلتها علقت عليها بـ” حياتي وروحي في صورة واحدة”، والمغنية حريصة أنها تتقاسم لحظات الحب والسعادة مع المتتبعين ديالها في حسابها على انستكَرام لي أغلبهم مصريين.
وكانت التعليقات على صورة جنات وأسرتها إيجابية، ومن فنانين ومشاهير، منهم المغني المغربي محمد الريفي، لي كتب ليها ” الغزالة ديالنا الله يخليها ليك”.
