نجوى المالحي -كود//

البارح الماكيوز المغربية نهيلة املقي لي تشهرات في المغرب ملي دارت كسيدة في مراكش ماتو فيها جوج دراري، دارت سونداج في صفحتها باش يختارو واش هي زوينة بالماكياج ولا بلاش.

التعاليق فرشوها مزيان وأكدوا ليها أنها في جميع الحالات دايرة الماكياج وكتب ليها معلق “ماكياج خفيف ولا ثقيل”، وزاد واحد اخر “في الصور بجوج دايرة ماكياج”.

ومن غير الماكياج، الصورة لي فيها داكشي قليل وجهها دايرة ليه التجميل ونافخة الشنايف وحاطة ماسكارا ومصوبة الحجبان.

تصويت كان لا علاقة ولا محل له من الإعراب، وهادشي خلا نهيلة لي مسمية راسها باربي المغرب تكعا وتحبس التعاليق كاع.